Sumqayıt Dövlət Universitetinin
Tələbə Şurasının
Hesabatları

Tələbə Şurası Universitetdə keçirilən bütün bayramların, konfransların, yubileylərin keçirilməsində bilavasitə iştirak edir. Bu illər ərzində tələbələrlə görkəmli şair və yazıçıların görüşü təşkil edilib. Xalq şairi Nəriman Həsənzadə, xalq şairi Zəlimxan Yaqub, şair ədəbiyyatşünas Rafiq Yusifoğlu, şair Əvəz Mahmud Lələdağ ilə görüşlər buna misal ola bilər. 18.03.2006-cı ildə Universitetdə «Folklor» gecəsinin keçirilməsi Tələbə Şurasının adı ilə bağlıdır. Tələbə Şurası 29.03.2006-cı ildə «Mola Nəsrəddin»in 100 illiyi münasibətilə ədəbi bədii gecə keçirdi. TŞ hər il ənənəvi olaraq Universitet əməkdaşlarının və tələbələrinin əl işləri və rəsm əsərlərindən ibarət sərgi keçirir. Müxtəlif naminasiyalarda qaliblər seçilir. Hər ay müxtəlif mövzularda disputlar təşkil olunur. Onlardan «Gözəllik nədir?», «Tələbələrin şəxsiyyət kimi formalaşmasında nitqin rolu», «İqtisadiyyatımız bu gün», «Müasir dünya və ətraf mühit» mövzuları ictimaiyyət içərisində geniş əks-səda yaratmışdır. Hal-hazırda tələbələrin arzu və istəklərini nəzərə alaraq TŞ-nın otağında ingilis dilində diskusiya mərkəzi (Conversation Club) yaradılıb.
TŞ mütəmadi olaraq hər il Ramazan bayramında valideyin himayəsindən məhrum olan uşaqlara və kimsəsiz qocalara yardım aksiyası keçirir. Bundan əlavə xüsusi konsert prqramları ilə də çıxış edir. Əldə olunan vəsait kimsəsiz insanlara verilir. TŞ hər il tələblərin asudə vaxtını səmərəli keçirməsi məqsədilə Azərbaycanın müxtəlif şəhər və rayonlarına (qədim qalalara, muzeylərə, mağaralara, müqəddəs ziyarətgahlara və s.) gəzinti təşkil edir. Ənənəvi olaraq hər ay Bakı şəhərində yerləşən müxtəlif teatrlarda (Azərbaycan Dram Teatrında, Musiqili Komediya Teatrı, Gənc Tamaşaçılar Teatrı) tamaşalara baxış tşkil edir. 2005-ci ildə Pakistan İslam Respublikasında baş verən zəlzələ nəticəsində xüsusi qayğıya -isti geyim və yemək vasitələrinə ehtiyacı olan insanlara yardım məqsədilə TŞ yardım aksiyası keçirdi. Əldə olunan vəsait və isti geyimlər Pakistan səfirliyinə təqdim olundu.
TŞ Sumqayıt şəhər Gənclər İdman Baş İdarəsi ilə də sıx əlaqələr yaratmışdır. Sumqayıt şəhərəində keçirilən bütün tədbirlərdə yaxından və fəal iştirak edir. TŞ-nın tərkibi hər yeniləşir. 1999-2006-cı illər ərzində TŞ-da fəaliyyət göstərən tələbələr hal-hazırda müxtəlif yerlərdə yüksək ali vəzifələrdə çalışırlar. TŞ ötən illərə nəzər salanda Qurbanova Şəlalənin, Şükürova Pərvanənin, Abdullayev Muradın, Qədirov Validin, İsrailov Ruslanın, Şirinova Aynurənin, Kərimova Səbinənin, Hacıyeva Aynurun, Əhmədov Yunisin, Abbasova Zərifənin, Zeynalov Raminin, Heydərova Səbinənin, Babayeva Günelin, Babayev Amilin, Vəliyeva İlahənin, Mirzəliyev Eldarın, Məmmədov Aqilin, Bədəlov Sarvanın, Orucov Gülşənin, Şirinova Xuramanın adını fəxrlə çəkir. Hal-hazırda TŞ-da çalışan tələbələrdən Vəliyeva İlahə, Tahirov Emin, İsmayılov Nicat, İsayeva Aynurə, İsmayılova Aygün, Hüseynova Adilə, Qəmbərov Şirxan, Zahidov Rəşad, Binnətov Vasif TŞ-nın aparıcı qüvvələridir. Hal-hazırda TŞ-nın fəaliyyəti daha möhkəm və genişdir. Universitetin fəal və istedadlı tələbələrinin əməyi nəticəsində TŞ daha irəli, daha yüksək səviyyəyə qalxacaq və yaxın gələcəkdə TŞ-nın adının yenidən xarici ölkələrdən gələcəyi yeni-yeni nailiyyətlər əldə edəcəyi şübhəsizdir. 18.09.2006-cı ildən etibarən Universitet TŞ-ya «Filologiya» fakültəsinin magistrı Vəliyeva İlahə Xaləddin qızı sədrlik edir. SDU-da fəal ictimaiyyətçi kimi tanınan İ.X.Vəliyeva bu vəzifəyə açıq səs vermə yolu ilə seçilmişdir.